- เรื่องสั้น
- 2
- 0
- 0 (0)
ในหมู่บ้านเล็กๆ แห่งหนึ่งแถบชายแดนภาคเหนือ บ่มีไผบ่ฮู้จัก "บักเกิ้มแมว" บ่าวหนุ่มวัยเบญจเพสซาวห้าปี๋ ปริญญาตรีที่เรียนจบมาได้สองปี๋ป๋าย แต่บ่ยอมยะก๋านยะงาน หวันๆ เอาแต่นั่งตั้งวงก๊งเหล้าขาวกับหมู่ตั้งแต่แจ้งจนค่ำ เมาหัวราน้ำจนป้อกับแม่เอือมระอาเต็มทน "คิงอายุซาวห้าแล้วเน้อบักเกิ้ม เบญจเพสปี๋นี้มันแฮงนัก ไปบวชล้างซวยสัก 30 วัน สึกออกมาแล้วค่อยไปหางานยะกับอ้ายคิงตี้เชียงใหม่" เสียงแม่ว่าแกมบังคับทั้งน้ำต๋า บักเกิ้มแมวจำใจ๋ยอมโกนหัวห่มผ้าเหลือง แต่ความซวยของพระบวชใหม่อย่าง "ตุ๊เกิ้ม" เริ่มต้นขึ้นทันทีหลังพิธีอุปสมบทในวัดบ้านเกิดแล้วเสร็จ แทนตี้ป้อกับแม่จะหื้อจำวัดอยู่ใกล้บ้าน เปิ้นกลับพาย้ายข้ามดอยไปฝากฝังไว้กับ "ครูบามั่น" ณ วัดป่าช้าเก่าแก่ติดชายแดนดอยผีปันน้ำ ตี้ล้อมรอบด้วยป่าดงดิบและดอยสูงชัน
